2015-imi isertitat pillugit tusagassiutinut nalunaarut

 

2015-imi isertitat qaffariaataat kusanartut

2015-imi innuttaasut 14-it sinnerlugit ukiullit agguaqatigiissillugu tamakkiisumik 229.000 kr.-inik isertitaqarsimapput. Tamanna 2014-imut naleqqiullugu 11.000 kr.-inik 4,8 pct.-inik annertussuseqartumik qaffariarneruvoq.

 

Immikkoortortaqarfinni (kommunikuni) tamani isertitat qaffariaateqarput. Taamaattoq tabel 1-imi takuneqarsinnaasutut qaffariaatit immikkoortortaqarfimmit immikkoortortaqarfimmut malunnartumik assigiinngillat. Qaqortumi, Maniitsumi aammalu Nuummi innuttaasut koruuninik ørenillu agguaqatigiissillugu annertunerpaanik missiliorlugu 15.000 kr.-inik isertitaat qaffariarput. Allanulli naleqqiullugu qaffariaat Ittoqqortoormiini annertunerpaavoq, tassani isertitat agguaqatigiissillugu 8,3 pct.-inik qaffariarmata.

 

Qaffariaat minnerpaaq Upernavimmi, Kangaatsiami aammalu Qaanaami pivoq, tassani agguaqatigiissillugu isertitat qaffariaataat 1.000 kr.-it aammalu 2.000 kr.-it akornanniippoq. Tamanna immikkoortortaqarfinni pingasuni tamani qaffariaat 1 pct.-it missaanniippoq.

 

Tabel 1. 2013-imit 2015-imut agguaqatigiissillugu inuit isertitaat tamakkiisut, immikkoortortaqarfinnut agguaallugit (1.000 kr.)

	2013	2014	2015	Allannguut 2014-2015
	1.000 kr.			Pct.
Nuna tamakkerlugu .............	217	218	229	4,8
Nanortalik .....................	144	145	152	4,4
Qaqortoq .....................	197	194	209	8,0
Narsaq .......................	176	175	182	4,3
Paamiut ......................	171	171	176	3,2
Nuuk .........................	292	290	305	5,2
Maniitsoq .....................	181	189	205	8,0
Sisimiut .......................	223	228	238	4,3
Kangaatsiaq ...................	137	140	141	1,0
Aasiaat .......................	172	176	182	3,2
Qasigiannguit ..................	182	181	187	2,9
Ilulissat .......................	205	210	214	2,0
Qeqertarsuaq ..................	189	186	196	5,1
Uummannaq ...................	181	184	197	7,2
Upernavik .....................	148	158	159	0,8
Qaanaaq .....................	127	137	139	1,2
Tasiilaq .......................	160	152	155	1,4
Ittoqqortoormiit .................	157	168	182	8,3
Najoqqutaq: Kisitsisaataasivik: http://bank.stat.gl/INNP2

 

Piffissami pineqartumi aningaasat nalingi missiliorlugu 1,4 pct.-imi appasissumiillutik inissisimapput, akissarsiallu pisissutaasinnaasut qaffariarsimapput, taamaalillunilu innuttaasut akissaqarniarnerat malunnartumik pitsaanerulersimalluni. Titartagaq 1-imi takuneqarsinnaasutut isertitat pisissutaasinnaasut 2007-imili pitsaanerusimanngilaq.

 

Titartagaq 1. Isertitat pisissutaasinnaasut naleqqersuutaasa ineriartornerat 2002-2015

 

Naatsorsueqqissaartarfiup saqqummerseqqammisaani 2015-imi isertitat –mi innuttaasut isertitaat annertunerusumik misissuataarneqarsinnaapput. Saqqummersitaq inuit isertitaannik, inoqutigiit akileraarutaannik aammalu inoqutigiit isertitai tunngavigalugit agguaanneqarnerinik naatsorsuutinik imaqarpoq.

 

Naatsorsueqqissaartarfiup nittartagaani www.stat.gl–imi saqqummersitaq atuarneqarsinnaallunilu pdf-inngorlugu aaneqarsinnaavoq. Periarfissaavortaaq Naatsorsueqqissaartarfiup Kisitsisaataasiviani bank.stat.gl–imi isertitat kisitsisitigut paasissutissaanni tabelinik nammineq toqqartukkanik annertunerusunik aallertoqarsinnaanera.

 

Annertunerusumik paasisaqarnerorusuttunut Naatsorsueqqissaartarfiup ittua Anders Blaaberg oqarasuaat 34 57 81 imaluunniit kisitsisitigut paasissutissalerinermi siunnersorti Søren W. Børgesen e-mail swbo@stat.gl innersuussutigineqarput.